السلام عليكم
أخواني واخواتي اعود اليكم من جديد
وهادي من احدى المصائب اللي سويتهة
من قبل شهرين تقريبا كان عندنا في البيت 8 فروخ دجاج وكنة
مستانسين ابهم كل ساعة نجي نخلي اليهم اكل وماء وعاد داك اليوم
كنا طالعين رايحين بيت جدي وكان بس ابويي ورفيقة قاعدين في
المجلس يسوون الرسيفر وعاد كان الباب مال المجلس مفتوح وكانوا
الفروخ في المطبخ والبيبان مال داخل كلهم مفتوحين وكان ابويي ويا
رفيقة مشغولين قاعدين يسوون الرسيفر ودخل من وراهم سنور _ قط _
واخد اليه فرخ وشرد وعاد هادة السنور اتعود قام كل يوم يجي وياخد
اليه كم وحدة وفي الاخير ظلوا عندنا 4 فروخ وبعد ما كبروا شوي سوينا
اليهم قفص وعاد جة يوم رحت اليهم اللة شوفهم وصخين وريحتهم
خايسة قلت ما في اللة انظفهم الحين اخدت سطل وخليت فيه ماء
وديتول وقمت افرك واغطس فيهم بعد ربع ساعة ما شفت اللة فرختين
مبطوحين على الارض قلت وش صاير : والة هم بيموتون رحت صبيت
عليهم ماء عادي وحاولت وياهم والة بعد شوي ما شفتهم اللة ميتين
وما بقوا من هالثمان دجاجات بس دجاجتين
وانا لله وانا اليه راجعون
مو تفضحوني عاد اني غسلتهم بديتول وموتهم